الرئيسية
المنشورات
كالعادة لدينا في فلسطين الزيارات العائلية المتعارف عليها
بدي أحدثكم عن بعض الزيارات اللي هي بالأغلب بتكون نفس الشي
ولما بحكي فيها.. الكل بكون عارف شو بحكي وكأني بحكي عنو
ذهبنا لزيارة احد الاقارب
وحين وصلنا الى البيت..
استقبلنا اهل البيت بالترحيب والاستقبال الحار " مع انهم بكونو قبل بيوم شايفينك"
دخلنا الى فناء المنزل وبدأنا بتبادل أطراف الحديث والذي يبدأ بالعادة بجملة . اليوم شوب وبكرة برد
وفي منخفض بكرة وكيف الجو الاسبوع الجاي بعد بوقت صغير بهلو عليك بمشروب بارد
وبحل وقت صمت يكسره صوت احد الاطفال بضحكة او عمل مصيبة وكل الأنظار تتوجه اليه
لتكسر حالة الصمت
وحينها يصبح الحديث عن الاطفال وانو قرب يمشي وطلعلو سنان وصار يحكي بابا ومن هالحكي
وانتو مش غشما عن اهل فلسطين
واحنا بنحكي وعين الله علينا بدخلو عليك بالبزر والمكسرات ولازم كل شي تاكل منو بلاش حد يزعل
وبتبدا النسوان كل وحده تحكي هي والي معها قريبة عليها وبتنفتح مضبرة الله وكيلك
بعد شوي بدخلو عليك اهل البيت بجاط فواكة وببلشو يقشرو فواكة
وبتكون مش ببالك اشي , والشرط لازم تاكل ولا بزعلو
بعد هيك بكون مش ضايل اشي للتقديم الا اذا في جاتوه او جلي او أي اشي تاني للتقديم
والشرط انك تاكل بلاش يزعلو
بسير هيك وقت الترويحة اللي بكون الواحد يحسبلها من اول ما يدخل البيت
يا الله .. يلا اسمحولنا خلينا نقوم عالبكير
الرد بكون والله ما بتقومو هي القهوة عالنار وهي اصلا بكون ما الها علاقة بالنار
ولسا محدش مفكر يعمل قهوة
بعد نص ساعة بتيجي القهوة ووقت ما بنشرب القهوة بكون الحديث بنهايته
وباغلب الوقت بكونو ساكتين لانو الحكي خلص
بنشرب القهوة وبنقول يا الله
قد ما اكل ماضل مكان يتنفس
واذا ما اكلت من كل شي بزعلو منك
واحنا على عتبة الباب بدنا نروح
بتذكروا النسوان شي شغلة مش حاكيينها وهات يا لت وحكي وعجن
وبدها القصة نص ساعة زمن
وهاد اذا خلصوا وهاد هو حديث العتبة
هيك العادات
شو بدنا نعمل
احيانا بتنسى حالك وبتكون الزيارة حلوة
واحيانا بتتمنى الوقت يمر بسرعة
وكل هالشي بضل من عادات اهل فلسطين وما بقدرو يتركوه وبضل لولد الولد
وفي شي حلو باهل فلسطين
بضلو اهل الكرم
سامحوني
بدي أحدثكم عن بعض الزيارات اللي هي بالأغلب بتكون نفس الشي
ولما بحكي فيها.. الكل بكون عارف شو بحكي وكأني بحكي عنو
ذهبنا لزيارة احد الاقارب
وحين وصلنا الى البيت..
استقبلنا اهل البيت بالترحيب والاستقبال الحار " مع انهم بكونو قبل بيوم شايفينك"
دخلنا الى فناء المنزل وبدأنا بتبادل أطراف الحديث والذي يبدأ بالعادة بجملة . اليوم شوب وبكرة برد
وفي منخفض بكرة وكيف الجو الاسبوع الجاي بعد بوقت صغير بهلو عليك بمشروب بارد
وبحل وقت صمت يكسره صوت احد الاطفال بضحكة او عمل مصيبة وكل الأنظار تتوجه اليه
لتكسر حالة الصمت
وحينها يصبح الحديث عن الاطفال وانو قرب يمشي وطلعلو سنان وصار يحكي بابا ومن هالحكي
وانتو مش غشما عن اهل فلسطين
واحنا بنحكي وعين الله علينا بدخلو عليك بالبزر والمكسرات ولازم كل شي تاكل منو بلاش حد يزعل
وبتبدا النسوان كل وحده تحكي هي والي معها قريبة عليها وبتنفتح مضبرة الله وكيلك
بعد شوي بدخلو عليك اهل البيت بجاط فواكة وببلشو يقشرو فواكة
وبتكون مش ببالك اشي , والشرط لازم تاكل ولا بزعلو
بعد هيك بكون مش ضايل اشي للتقديم الا اذا في جاتوه او جلي او أي اشي تاني للتقديم
والشرط انك تاكل بلاش يزعلو
بسير هيك وقت الترويحة اللي بكون الواحد يحسبلها من اول ما يدخل البيت
يا الله .. يلا اسمحولنا خلينا نقوم عالبكير
الرد بكون والله ما بتقومو هي القهوة عالنار وهي اصلا بكون ما الها علاقة بالنار
ولسا محدش مفكر يعمل قهوة
بعد نص ساعة بتيجي القهوة ووقت ما بنشرب القهوة بكون الحديث بنهايته
وباغلب الوقت بكونو ساكتين لانو الحكي خلص
بنشرب القهوة وبنقول يا الله
قد ما اكل ماضل مكان يتنفس
واذا ما اكلت من كل شي بزعلو منك
واحنا على عتبة الباب بدنا نروح
بتذكروا النسوان شي شغلة مش حاكيينها وهات يا لت وحكي وعجن
وبدها القصة نص ساعة زمن
وهاد اذا خلصوا وهاد هو حديث العتبة
هيك العادات
شو بدنا نعمل
احيانا بتنسى حالك وبتكون الزيارة حلوة
واحيانا بتتمنى الوقت يمر بسرعة
وكل هالشي بضل من عادات اهل فلسطين وما بقدرو يتركوه وبضل لولد الولد
وفي شي حلو باهل فلسطين
بضلو اهل الكرم
سامحوني
