ثمار الأوراق



انضم إلى المنتدى ، فالأمر سريع وسهل

ثمار الأوراق

ثمار الأوراق

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
ثمار الأوراق

منتدى تعليمي يهتم باللغة العربية علومها وآدابها.


3 مشترك

    الحقونا جمعاااوى اتمسك وراح امن الدولة؟؟!!

    بنت حماس
    بنت حماس
    بنت حماس
    ركن مهم في المنتدى ، ساهم كثيرا جدا في بنائه و رفعته
    ركن مهم في المنتدى ، ساهم كثيرا جدا في بنائه و رفعته


    عدد الرسائل : 2003
    العمر : 32
    الموقع : الفيوم
    العمل/الترفيه : ياربِ أسألك أن أكون من الداعيات الصالحات المخلصات
    المزاج : دائماّ وأبداّ الإســـلام هــــــو الحـــــل
    نقاط : 3014
    تاريخ التسجيل : 06/02/2009
    • مساهمة رقم 1

    الحقونا جمعاااوى اتمسك وراح امن الدولة؟؟!! Empty الحقونا جمعاااوى اتمسك وراح امن الدولة؟؟!!

    مُساهمة من طرف بنت حماس الإثنين فبراير 23, 2009 11:51 am

    ألحقوا..جمعاوي اتمسك وراح أمن الدولة

    الحقونا جمعاااوى اتمسك وراح امن الدولة؟؟!! 40879801124341


    كنت معصوب العينين جالسا القرفصاء.. عندما شعرت بأحدهم يجلس بجواري .. انتفضت مذعروا وأنا أصرخ .. أنت مين؟!!

    - اهدا يا جمعاوي..أنا خالد عمر..

    - خالد عمر..وأنا إيش ضمني إن أنت خالد عمر .. وبعدين أنا أساسا معرفش حد اسمه خالد عمر.

    - يا بني أنا خالد ما تخفش..حتي بأمارة البلف في العوامة..

    - أيوه البلف في العوامة..يبقي أنت خالد عمر فعلا..الله يخرب يبيتك..قعدت أقولك بلاش نصيف .. احنا مش مكتوبلنا فسح..أدينا روحنا في داهيه

    - ولا داهيه ولا حاجه .. أنت بس سيبها على الله وهو هيحلها..

    - تفتكر هيعملوا فينا إيه؟؟

    - ولا حاجة..أنت شفت فيلم احنا بتوع الأتوبيس

    - لأ

    - طب شفت الكرنك

    - برضه لأ

    - طب شفت البرئ

    - ياعم أنا الفيلم الوحيد اللي شفته هو فيلم الحمار والتنين

    - حلو أهو انت بقي هتبقي الحمار

    - الحمار؟؟.. إزاي يعني؟؟ ..لأ.. كله إلا كده..

    - يابني ما تفهمش غلط..أنا قصدي ان همه هيربطوك في الحنطور .. وحيحنطروك

    - جامعاوي السيد جامعاوي..هكذا هتف المخبر ينادي علي اسمي.. سحبني من يدي..وأخذ يمشي بي في ممرات ودهاليز..وسلالم تشيلني..وسلالم تحطني..فيــــــن لقيته بيقعدني علي كرسي خشب وواحد ذو صوت أجش صارم يخاطبني ويقول..

    - إزايك يا جمعاوي؟..كويس؟؟..

    -الحمد لله يافندم..بس الغمامة دي مضايقاني شوية..

    -توء .. توء .. إزاي يعملوا كدة الحيوانات دول؟! ..وادي الغمامة يا سيدي..

    -وجدت نفسي في غرفة مظلمة خاليه من الأثاث إلا مقعدي ومكتب أمامي بينما أخذ الضابط يدور حولي وهو ينفث دخان سيجارته ثم وضع يده علي كتقي ومال عليّ قائلا :قولي بقي يا جمعاوي آخر مرة شفت فيها أبو طلحة الأفغاني كان إمتي؟؟

    -أبو طلحة مين يا فندم؟!!!

    -أبو طلحة الأفغاني يا روح خالتك..إيه.. مانتش عارف؟!!!

    - يا فندم أنا أعرف جمال الدين الأفغاني..الحشيش الأفغانى..لكن أبو طلحة الأفغاني دة أنا أول مرة اسمع عنه

    -طب بلاش أبو طلحة .. الأسلحة فين؟؟

    -أسلحة.. أسلحة إيه يافندم..ده أنا عمري مامسكت مسدس ده أنا حتي وأنا صغير أبويا كان بيجيب لإخواتي كلهم مسدسات ويجبلي أنا عروسة

    -طب بلاش الأسلحة..المتفجرات فين؟؟

    -يانهار أسود متفجرات..ده أنا بخاف من البومب..والله يا فندم أنا معرفش حاجه عن الكلام ده..من الواضح إن في سوء تفاهم

    -آآآه سوء تفاهم..لأ..أنا بقي اللي هوريك سوء التفاهم..ثم صرخ بعلو حسه :كهربا يا جابر

    ودخل جابر..حاجة كدة شبه باب القلعة ..أو تلاجة 48 قدم .. شلاضيمه..اللي هي الشفايف عندنا..فوقها مكنسة سودا زعف كشبه الشنب..بينما يكشف فمه عن فك .. أشبه بالفك المفترس يتساقط منه اللعاب كالذئاب المسعورة .. نظر إليّ جابر نظرة مخيفه جعلتنى أشعر في ملابسي بشعور نسيته منذ أن كان عمري سنتين

    ملت علي الضابط مستفسرا : مين ده يا فندم؟؟!!

    -ده .. ده يا سيدي اللي أكل دراع "فان دام" في فيلم "تايتنيك"

    -ازدرت ريقي في صعوبة ثم قلت :طب هو إيه اللي جايبه دلوقتي ..هو لسه ماشبعش

    -لأ..ده جاي يكمل الفيلم .. بص بقي ..أنا عندي هنا كهربا متوصلة م السد العالي مباشرة لو لمّستها فيك هرجعك عيل في بطن أمك

    -طب وحضرتك حتستفاد إيه لما ترجعني في بطن أمي؟؟ .. ده حتي مش هتعرف تكمل التحقيق .. وبعدين حضرتك أمي ست كبيرة معديه الستين يعني ماهياش أد حمل و ولادة من تاني

    -خلاص... يبقي ترحمها وتتكلم

    -خلاص يا فندم بدل الموضوع وصل للأم يبقي أنا هعترف بكل حاجه: هو منه لله خالد عمر هو اللي فسا العوامه.. أنا قولتله يا خالد ما تفسيش العوامه..أنت ماعندكش إخوات بنات.. لكن هو ماسمعش كلامي وفساها.. راح مروان حفرله حفرة في الرملة ووقعه فيها.. ساعتها بقي كان محمود ماجد مأجر بيتش باجي عشان يروح يجبلنا بيه أكلة سمك .. بس كان ماعهوش بطاقة فأخذ بطاقة إسلام وداها للراجل .. قوم لما محمود اتأخر .. الراجل خد هدوم إسلام المتعلقة في الشمسية فلما جه محمود .. إسلام قاله : أنت بستهبل يا محمود؟؟ .. إيه اللي أخرك؟؟ .. قاله: كنت بلف بالبيتش باجي شوية يا أخي!! .. وبعدين أنت شريكي؟! .. فإسلام اتغاظ فرمى شبشب محمود في البحر .. فمحمود حب ينتقم منه .. فعمله سندوتش جبنة بالخنافس .. وإسلام كان فاكره زتون فأكله .. فلما عرف قعد يرجع على هدوم خالد عمر .. اللي كان فسى العوامة.

    - بس .. هي دي كل الحكاية يا سعادة البيه .. وأنا والله برئ



    "تم إخلاء سبيلي من سرايا النيابة لعدم وجود تهمة بعد أن تأكدت النيابة أن البلف فعلاً مش عايز يخش في العوامة .. وقد أحيل الضابط للعمل بقسم المطافي .. بعد أن أصيب بنوبات عصبية من التحقيق معي"

    كان معكم من مقر أمن الدولة
    أبو طلحة الجمعاوي
    • الرجوع الى أعلى الصفحة
    أحمد
    أحمد
    أحمد
    إدارة ثمار الأوراق
    إدارة ثمار الأوراق


    عدد الرسائل : 16791
    الموقع : القاهرة
    نقاط : 39117
    تاريخ التسجيل : 17/09/2008
    • مساهمة رقم 2

    الحقونا جمعاااوى اتمسك وراح امن الدولة؟؟!! Empty رد: الحقونا جمعاااوى اتمسك وراح امن الدولة؟؟!!

    مُساهمة من طرف أحمد الإثنين فبراير 23, 2009 12:11 pm

    رووووووووووووعة

    بس النهاية في الواقع بتكون مش كدة




    بتكون وراء الشمس ههههههههههههه



    ربنا يعافيني و إياكم



    بارك الله فيك أختي الكريمة


    و الله موضوعاتك كلها مميزة و رائعة

    ربنا يجعلها في ميزان حسناتك .

    :798/7487: :798/7487: :798/7487:
    • الرجوع الى أعلى الصفحة
    بنت حماس
    بنت حماس
    بنت حماس
    ركن مهم في المنتدى ، ساهم كثيرا جدا في بنائه و رفعته
    ركن مهم في المنتدى ، ساهم كثيرا جدا في بنائه و رفعته


    عدد الرسائل : 2003
    العمر : 32
    الموقع : الفيوم
    العمل/الترفيه : ياربِ أسألك أن أكون من الداعيات الصالحات المخلصات
    المزاج : دائماّ وأبداّ الإســـلام هــــــو الحـــــل
    نقاط : 3014
    تاريخ التسجيل : 06/02/2009
    • مساهمة رقم 3

    الحقونا جمعاااوى اتمسك وراح امن الدولة؟؟!! Empty رد: الحقونا جمعاااوى اتمسك وراح امن الدولة؟؟!!

    مُساهمة من طرف بنت حماس الإثنين فبراير 23, 2009 12:55 pm

    ربنا يبارك فيك ووفقك الله الى ما يحب ويرضى وشكرا على مرورك الطيب لك منى اجمل تحية :798/7487:
    • الرجوع الى أعلى الصفحة
    امام الجيل
    امام الجيل
    امام الجيل
    عضو متميز جدا
    عضو متميز جدا


    عدد الرسائل : 304
    العمر : 35
    الموقع : الفيوم
    المزاج : احمد الله تعالى
    نقاط : 251
    تاريخ التسجيل : 14/02/2009
    • مساهمة رقم 4

    الحقونا جمعاااوى اتمسك وراح امن الدولة؟؟!! Empty رد: الحقونا جمعاااوى اتمسك وراح امن الدولة؟؟!!

    مُساهمة من طرف امام الجيل الثلاثاء فبراير 24, 2009 2:32 am

    والله موضوع جميل اوى وضحكنا وانبسطنا اوى
    ربنا يجازيكى خير
    بس ربنا يكفينا شر امن الدولة علشان همة مش بيهرجوا
    • الرجوع الى أعلى الصفحة
    بنت حماس
    بنت حماس
    بنت حماس
    ركن مهم في المنتدى ، ساهم كثيرا جدا في بنائه و رفعته
    ركن مهم في المنتدى ، ساهم كثيرا جدا في بنائه و رفعته


    عدد الرسائل : 2003
    العمر : 32
    الموقع : الفيوم
    العمل/الترفيه : ياربِ أسألك أن أكون من الداعيات الصالحات المخلصات
    المزاج : دائماّ وأبداّ الإســـلام هــــــو الحـــــل
    نقاط : 3014
    تاريخ التسجيل : 06/02/2009
    • مساهمة رقم 5

    الحقونا جمعاااوى اتمسك وراح امن الدولة؟؟!! Empty رد: الحقونا جمعاااوى اتمسك وراح امن الدولة؟؟!!

    مُساهمة من طرف بنت حماس الثلاثاء فبراير 24, 2009 6:19 am

    ههههههههههههههههه اللهم امييييييييين وزى ما بيقولوا ابعد عن الشر وغنيلة

    جزاك الله خيرا على مرورك الطيب
    • الرجوع الى أعلى الصفحة

      الوقت/التاريخ الآن هو الأربعاء مايو 08, 2024 11:05 am