الرئيسية
المنشورات
السؤال الأول: ( التعبير )
أ- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 7500 جنيه للطن .. اكتب ما يمليه عليك ضميرك على أن يبدأ موضوعك بعبارة:
أنا باشتغل فى حديد عز.
ب- اكتب ما لايقل عن 650 سطر فى أحد الموضوعات التالية:
لم يجد الطفل غير الشارع ملجأ نظرا لحالة البلد الهباب .. فاتجه إلى السرقة والقتل والحشيش .. حتى نال جزاءه وقبض عليه متلبسا بباكتة بانجو .. اكتب قصته مع تسليم الحِرز للباشا مراقب اللجنة.
ج- بعد انتشار ظاهرة أكل لحم الكلاب والحمير
من وجهة نظرك تكلم عن هذه الظاهرة ومن المتسبب فيها بدون غلط .. ولاحظ إنك أنت والورق كمان متراقب.
السؤال الثانى: ( القصة )
أ- من قصة: ( وعهد الله ما انت داخل الانتخابات) .. إقرأ القطعة التالية وأجب عن السئلة التي تليها:
" ثم أتى إليه وضربه بالجزمة وقال له :انت عايز تترشح فى الانتخابات يامعفن ؟؟ ده انت عايز معجزة .. مش كفاية بتاكلوا لحمة ومستورين .. عايزين إيه تاني ؟؟ .. سيبوا الإنتخابات لأهلها "
- ما هى اللحمة؟ أو على الأقل حدد أقرب معنى خيالى لها
- هات مرادف كلمة معجزة فى اللغة: تغيير وزارى – زيادة المرتبات – رغيف العيش .
ب- لماذ ضربه الرجل بالجزمة وليس بالعصا مثلا ؟؟
(أهو كسل .. علشان لسه هايرفع العصاية؟. .. عشان العصاية قلة قيمة برضه واحنا فى عصر الديمقراطية.. ولا عشان العصاية شغالة مع واحد تانى ؟؟)..
افهم انت بقى واختار.
ج- حلل بمزيد من التفصيل جملة : ( ضربه بالجزمة ) ومدى توافقها مع جملة ( مصر بتتقدم بينا ).
السؤال الثالث: ( القراءة )
أ- من موضوع: (الزعيم.. والفنان.. والقدوة) .. إقرأ القطعة التالية وأجب عن الأسئلة التي تليها:
" وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسياً.. كم أكد أنه يرحب بالتوريث ومقتنع بكل سياسات الحكومة ".
ب - ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم إيراده السنوى كام ؟؟
السؤال الرابع: ( النصوص والبلاغة )
أجب عن أحد النصين الآتيين
أ- من نص: ( ماشربتش من نيلها) .. إقرأ النص التالي وأجب عن الأسئلة التي تليه :
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكيلها
بعد رغبة صاحبة النص ( المغنية بتاعة آه ياليل ) فى أن تلد ابنتها فى أمريكا لتحصل على الجنسية الأمريكية.. اختر.. ما المقصود بنيلها فى النص ؟؟
نهر المسيسبى - نهر الأمازون – نهر السين
ب- من نص : (حين ميسرة ) ..
أجب عن الآتى :
- اذكر اسم مصيبة واحدة ماحصلتش فى النص الأسود ده
- وضح عبقرية أحمد بدير (الإرهابى فى النص) وهو يكتب رسالة على الكمبيوتر باستخدام أزرار الأرقام فقط ومفيش حروف .. ويعطى أمر التنفيذ بزرار قائمة ستارت مش بزرار إنتر.. كمبيوتر إرهابى بقى
السؤال الخامس : ( النحو )
أ- أعرب ما تحته خط .. ولو مالقيتش القطعة أصلا.. اتصرف
ب- ( ذهب الرئيس إلى المؤتمر ) .. ضع الجملة السابقة فى صيغة المثنى.. ماعدا الرئيس طبعا يامواطن
ج- ( فُرِضت الضرائب علينا ببشاعة ) .. أعرب الجملة.. وارفع الضرائب أبوس إيدك
السؤال السادس : ( الخط )
( المدينة الفاضلة تعبير يطلق على أى مدينة أو بلد يسرق خيرها منذ سبعة آلاف عام )
اكتب الجملة السابقة ثلاث مرات بثلاث خطوط .. موبينيل وفودافون واتصالات.. كما يمكن التحويل من خط لخط بنفس الرقم .. فقط اتصل بخدمة العملاء
أ- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 7500 جنيه للطن .. اكتب ما يمليه عليك ضميرك على أن يبدأ موضوعك بعبارة:
أنا باشتغل فى حديد عز.
ب- اكتب ما لايقل عن 650 سطر فى أحد الموضوعات التالية:
لم يجد الطفل غير الشارع ملجأ نظرا لحالة البلد الهباب .. فاتجه إلى السرقة والقتل والحشيش .. حتى نال جزاءه وقبض عليه متلبسا بباكتة بانجو .. اكتب قصته مع تسليم الحِرز للباشا مراقب اللجنة.
ج- بعد انتشار ظاهرة أكل لحم الكلاب والحمير
من وجهة نظرك تكلم عن هذه الظاهرة ومن المتسبب فيها بدون غلط .. ولاحظ إنك أنت والورق كمان متراقب.
السؤال الثانى: ( القصة )
أ- من قصة: ( وعهد الله ما انت داخل الانتخابات) .. إقرأ القطعة التالية وأجب عن السئلة التي تليها:
" ثم أتى إليه وضربه بالجزمة وقال له :انت عايز تترشح فى الانتخابات يامعفن ؟؟ ده انت عايز معجزة .. مش كفاية بتاكلوا لحمة ومستورين .. عايزين إيه تاني ؟؟ .. سيبوا الإنتخابات لأهلها "
- ما هى اللحمة؟ أو على الأقل حدد أقرب معنى خيالى لها
- هات مرادف كلمة معجزة فى اللغة: تغيير وزارى – زيادة المرتبات – رغيف العيش .
ب- لماذ ضربه الرجل بالجزمة وليس بالعصا مثلا ؟؟
(أهو كسل .. علشان لسه هايرفع العصاية؟. .. عشان العصاية قلة قيمة برضه واحنا فى عصر الديمقراطية.. ولا عشان العصاية شغالة مع واحد تانى ؟؟)..
افهم انت بقى واختار.
ج- حلل بمزيد من التفصيل جملة : ( ضربه بالجزمة ) ومدى توافقها مع جملة ( مصر بتتقدم بينا ).
السؤال الثالث: ( القراءة )
أ- من موضوع: (الزعيم.. والفنان.. والقدوة) .. إقرأ القطعة التالية وأجب عن الأسئلة التي تليها:
" وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسياً.. كم أكد أنه يرحب بالتوريث ومقتنع بكل سياسات الحكومة ".
ب - ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم إيراده السنوى كام ؟؟
السؤال الرابع: ( النصوص والبلاغة )
أجب عن أحد النصين الآتيين
أ- من نص: ( ماشربتش من نيلها) .. إقرأ النص التالي وأجب عن الأسئلة التي تليه :
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكيلها
بعد رغبة صاحبة النص ( المغنية بتاعة آه ياليل ) فى أن تلد ابنتها فى أمريكا لتحصل على الجنسية الأمريكية.. اختر.. ما المقصود بنيلها فى النص ؟؟
نهر المسيسبى - نهر الأمازون – نهر السين
ب- من نص : (حين ميسرة ) ..
أجب عن الآتى :
- اذكر اسم مصيبة واحدة ماحصلتش فى النص الأسود ده
- وضح عبقرية أحمد بدير (الإرهابى فى النص) وهو يكتب رسالة على الكمبيوتر باستخدام أزرار الأرقام فقط ومفيش حروف .. ويعطى أمر التنفيذ بزرار قائمة ستارت مش بزرار إنتر.. كمبيوتر إرهابى بقى
السؤال الخامس : ( النحو )
أ- أعرب ما تحته خط .. ولو مالقيتش القطعة أصلا.. اتصرف
ب- ( ذهب الرئيس إلى المؤتمر ) .. ضع الجملة السابقة فى صيغة المثنى.. ماعدا الرئيس طبعا يامواطن
ج- ( فُرِضت الضرائب علينا ببشاعة ) .. أعرب الجملة.. وارفع الضرائب أبوس إيدك
السؤال السادس : ( الخط )
( المدينة الفاضلة تعبير يطلق على أى مدينة أو بلد يسرق خيرها منذ سبعة آلاف عام )
اكتب الجملة السابقة ثلاث مرات بثلاث خطوط .. موبينيل وفودافون واتصالات.. كما يمكن التحويل من خط لخط بنفس الرقم .. فقط اتصل بخدمة العملاء
