ثمار الأوراق

ثمار الأوراق

منتدى تعليمي يهتم باللغة العربية علومها وآدابها.


    نصائح لكل فتاة على وشك الخطوبة

    شاطر
    avatar
    أحمد
    إدارة ثمار الأوراق
    إدارة ثمار الأوراق

    عدد الرسائل : 16841
    الموقع : القاهرة
    نقاط : 38992
    تاريخ التسجيل : 17/09/2008

    نصائح لكل فتاة على وشك الخطوبة

    مُساهمة من طرف أحمد في الإثنين يوليو 12, 2010 1:32 pm

    لو ربنا فك عقدتك.. واتخطبتي.. فإليكِ نصائحي

    حتى تأخذي بخطيبك من مركب الخطوبة إلِّي محدش عارف

    هاترسى على إيه.. إلى مثوااااه الأخير في قفص النسانيس


    قصدي قفص الزوجية السعيد ..


    أجمل ما في الخطوبة العزومات الرومانسية.. على أحلى محلات

    أكل في البلد.. واللي عمرك مانتي شايفاها بعد الجواز.. المهم

    نصائحي لك عند أي عزومة مع خطيبك.. قلنا رقَّه:


    الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق

    طبعًااا






    العيش أوعي تفضحينا وتقطعيه بسنانك.. ولا الرغيف نصين بإيدك

    وكل نص لقمة وتحشري.. أوعي.. العيش بيتقطع بالسكينة في

    الطبق.. وبعدين تاخدي لقمة.. لقمة .. بالعافية.. قال يعني نفسك

    مسدودة.. اضغطي على أعصابك جدااا وبعدين لما تروَّحي.. إبقي

    حِـفِّي زي ماانتِ عايزة






    الشوووربة.. أبوس ايديكى.. بند الشوربة ده مهم جدًاااا

    الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون..

    وطبعًاااااا عايزِك
    تنسي تمامًا.. السلطانية اللي بتقيميها على بقك في البيت

    وتدلقي على روحك ..


    بالمعلقة وبدون صوت.. سخنة, ولعة , برضه بدون صوت


    وتسيبي تلت الطبق ع الأقل.. مش تميليه.. عشان تلهطيها لآخر نقطة


    الرز طبعاً .. بيتّاكل بالشوكة.. أوعي إيدك تتمد على المعلقة


    وتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه


    المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش

    تشفطي المكرونة عود عود



    السمك.. مشكلة.. شوفي.. بتفصلي اللحم عن الشوك

    إزاي..؟؟ تقطعي اللحم من النص.. بالطول وبعدين تفردي اللحم على



    الجانبين ولما تخلصي ناحية.. متقلبيش السمكة.. بلاش فلح


    شيلي السلسلة بالشوكة والسكينة وحطيها في جنب الطبق


    وكملي أكل النص التاني.. وبدل الفيلم الهندي ده.. نصيحة

    ماتكليش السمك خالص.. قولي مابحبش السمك وخلصي نفسك




    الجمبري.. -إذا كنتي عارفاه-.. أول ماطبق الجمبري ينزل.. بصيله



    بقرف واحتقار شديدين.. آل يعني زهقانة من كتر أكل الجمبري

    الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي


    قاطعة راس الجمبريّاية.. بالشوكة.. أنا ف عرضك إنسي المصمصة دلوقتي



    البطاطس سواء مسلوقة أو محمرة.. أوعي تهرسيها وتدبيها على

    الرز وتدّي ...لا..لآ...لآ...بالشوكة حتة حتة وإنت زي ما تكوني


    هاتعيطي من كتر ما البطاطس صعبانة عليكي







    الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة

    أوعي ياحبيبتي من نظام التفتفة للبذر.. إنسي



    ولما تخلّصي أكل تحطي إيدك على بطنك.. -اللي عصافيرها


    بتصوصو من العينات اللي كلتيها-.. وتقولي له مش ممكن.. أنا



    عمري ما اتفجعت كدة.. أنا قدامي أسبوع.. هابطّل أكل فيه

    وبعدين تمسكي الفوطة اللي دايمًا موجودة على التربيزة من غير

    لزمة.. وتبوسيها.. آل يعني بتمسحي بؤّك

    وبعدين تستأذني منه لإصلاح ماكياجك.. وتخشي التواليت


    وتطلعي من شنطة إيديك.. لفة الفول والطعمية اللي جايباها

    معاكي.. وبالهنا والشفااااااااااااا

    منقول من الفيس بوك
    rabbit


    _________________


    قناتي على موقع يوتيوب :
    https://www.youtube.com/channel/UCm8N-tHwIFM7hPnwtLrBMpg
    مدونتي:
    https://arabicfraed.blogspot.com.eg/
    avatar
    بنت حماس
    ركن مهم في المنتدى ، ساهم كثيرا جدا في بنائه و رفعته
    ركن مهم في المنتدى ، ساهم كثيرا جدا في بنائه و رفعته

    عدد الرسائل : 2003
    العمر : 26
    الموقع : الفيوم
    العمل/الترفيه : ياربِ أسألك أن أكون من الداعيات الصالحات المخلصات
    المزاج : دائماّ وأبداّ الإســـلام هــــــو الحـــــل
    نقاط : 3014
    تاريخ التسجيل : 06/02/2009

    رد: نصائح لكل فتاة على وشك الخطوبة

    مُساهمة من طرف بنت حماس في الجمعة أكتوبر 07, 2011 12:56 pm

    هههههههههههههههه
    ههههههههههههههههه والله لوهترسى للفول والطعمية يبفى نتختصر الطريق وندخل مطعم فول وفلال احسن

      الوقت/التاريخ الآن هو الأحد سبتمبر 24, 2017 11:28 am