الرئيسية
المنشورات| جمعاوي حيتجوز يا رجالة -الجزء الثاني- |
| جامعة أون لاين - بتاريخ: 13/2/2009 |
رجاء مراجعة الجزء الأول : (اضغط هنا) *******************************************************  الثانية طق طق طق - مين ؟ - أنا مدحت .. افتح يا جمعاوي فتحت الباب : - أهلا .. مدحت ابن عمي .. إزيك وإزي عيالك - تمام والحمد لله .. انت إيه أخبارك .. مالك وشك مبقع أحمر كدة ؟ .. انت كنت في الاستاد بتتفرج على ماتش الأهلي ؟ - لا دة بس عشان يليق ع البدلة الحمرة - بدلة حمرة ؟! .. ليه ؟ حكيت لمدحت على الموضوع وعلى اللي حصل لي : - طيب مش كنت تقول لي يا جمعاوي إنك عايز تتجوز ؟ - خلاص يا مدحت أنا صرفت نظر عن الموضوع .. كفاية اللي جرالي .. أنا رميت الخط الجديد وبطلت تليفونات - بس أنا متأكد إنك حتغير رأيك لما تقابل نسمة - نسمة مين ؟ - عروسة لقطة .. فرصة ما تتعوضش .. وأنا حظبطلك معاهم معاد . ***** أعاد لي كلامه الأمل .. أخذت العنوان ورحت في الموعد .. ما شاء الله فيلا جامدة جدا .. وكان في استقبالي عجوز شمطاء في القرن الثاني من العمر: - يا أهلا وشهلا .. اتفضل يا عريش .. حشَل لنا البركة. - شكرا يا حاجة. - والله يابني انت شكلك طيب وابن حلال .. وأنا بشراحة ارتحتلك من أول نظرة. - ربنا يكرمك يا حاجة .. ودة شرف لية إني أناشبكم .. قصدي أناسبكم .. وكنت عايز أعرف طلباتكم. - عيب عليك يا جمعاوي .. إحنا بنشتري راجل .. إحنا مش حنكلفك حاجة خالش .. عندنا بدل الشقة تلاتة .. وبدل العربية أربعة .. وكل المشاريف علينا كمان. قشطة .. إيه الحلاوة دي .. أحمدك يا رب .. جوازة لقطة فعلا .. أنا لازم أكافئ الواد مدحت بكيلو سمك مشوي من اللي بيحبه .. فاضل بس إن العروسة تطلع حلوة - طيب يا حاجة .. إحنا مش حنشوف نسمة ولا إيه ؟ - علِي شوتك يابني لأحشن أنا شمعي تقيل - كنت بقول عايز أشوف حفيدة حضرتك .. العروسة يعني. - إيه دة .. انت بتكبرني كدة ليه .. العروشة مش حفيدتي - آه .. آسف .. تبقى بنت حضرتك ؟ - لا يا حبيبي .. ولا بنتي ثم مالت نحوي وقالت بنظرة خجولة : أنا نشمة .. العروشة يا حبة عيني!! مش عارف إيه اللي خلاني أخدت بعضي وجريت في الشارع زي المجانين .. منك لله يا مدحت .. طبعا مش حيشوف أي سمك مشوي .. لأني ممكن أشويه هو شخصيا .. أول ما روحت كلمته : - آه يا مدحت يا واطي .. دة مقلب تعمله فية برضه ؟ - مقلب إيه يا مغفل ؟ انت ما قابلتش نسمة ولا إيه ؟ - قصدك نشمة الله يرحمها - إيه دة ؟ .. هي ماتت - لسة شوية .. يا راجل دي ماتستحملش معايا يومين على بعض - ما هو دة المطلوب يا ذكي .. دي وحيدة وملهاش ورثة وعندها تل أملاك وفلوس .. وأول ما هي تخلص .. تورث انت وتقب على وش الدنيا - دانت طلعت واطي أوي يا مدحت .. طيب ما اجوزتهاش انت ليه يا عم الناصح - يا ريتني ما كنتش مجوز .. ما كنتش حتردد لحظة وحدة أخذتني الشهامة والمروءة وأنا برد بطريقة ممثل قديم مش فاكر اسمه : - لا يا مدحت .. مش جمعاوي اللي يتجوز بالطريقة دي ***** الثالثة طبعا كنت متضايق جدا من المواقف .. فكلمت صاحبي طارق .. وحكيتله على اللي حصل لي : - مش قلتلك يا جمعاوي .. محدش بيتجوز كدة - أمال أتجوز إزاي يعني ؟ - بص لو انت بأة ناوي بجد .. فأنا عندي عروسة كويسة - بجد ؟ .. طب الحقني بيها - طيب مستعد تسافر إمتى ؟ - أسافر ؟ .. ليه؟ .. انت حتجوزني من أوروبا ولا إيه ؟ - لأ .. أنا قصدي تسافر أسوان - أسوان ؟ .. انت جايبلي عروسة من الصعيد ؟ - أيوة .. بس ناس طيبين أوي - بس أنا خايف ما تكونش حلوة يعني - مين اللي قالك كدة ؟ .. وبعدين الجمال الحقيقي جمال الروح .. وآديك جربت الجميلة .. أخدت منها إيه ؟ - على رأيك .. أنا مستعد للسفر في أقرب وقت ***** بعد يوم سفر شاق .. وصلت أخيرا بيت الحاج فتحي الجبراوي .. كان بيت كبير وبصراحة استقبلوني بكرم شديد .. زغطوني بما يكفيني لعشرة أيام متواصلة واتكلمت مع الحاج فتحي وبصراحة كان محترم جدا معايا .. وبدأت أتفاءل من جديد وهو بيشكر لي في العروسة باللغة الصعيدية : - انت حتاخد فتحية بنتي .. نوارة البيت .. حطها جوة عنيك التنتين - أكيد يا حاج فتحي .. طيب إحنا مش حنشوف العروسة ولا إيه ؟ عبس وجهه حتى كادت كتلتي الشعر في حاجبه وشاربه يتصلان ببعضهما وهو يَجول : - وه .. انت عتخرِف ولا إيه ؟ تشوفها كِيف يا وِلد ؟! .. ما عنديناشي حريم تنكشف على راجل واصل - أيوة يا حاج بس أنا مش راجل .. قصدي مش أي راجل .. دانا العريس اللي جاي أخطبها - حتى انت .. ما تشوفهاشي غير ليلة دخلتكم - إزاي بس يا حاج ؟ - هو إكدِه .. وأنا جولت لع يبجى لع .. دي عادات وتجاليد في عيلة الجبراوية من زمان (بتفخيم الميم) ألا جول لي صحيح .. انت من عيلة إيه ؟ - مش فاهم يا حاج - يعني اسم جَدك الكَبير إيه ؟ - آه .. أنا من عيلة الخضراوي. فجأة سكتت الأفواه .. وتسمر الكل في مكانه .. وجحظت عيونهم .. وتدلت حواجبهم .. ثم وقف أحد الشباب صائحا: - جواز جمعاوي من فتحية باطل ثم انفتحت جميع أبواب البيت .. ودخل عدد من الإخوة الصعايدة يحملون المشاعل ويتقدمون نحوي وهم يرددون : - باااااطل .. باااااطل صحت في حيرة ورعب : - فيه إيه ؟ .. أنا مش فاهم حاجة تغيرت لهجة الحاج فتحي وهو يقول : - دة تار جديم بيناتنا وبين عيلة الخضراوية .. ياللا يا ردالة .. خلِصوا عليه. لم أجد خلفي إلا شباكا مفتوحا .. فقفزت بلا تردد .. وكما يحدث في مثل تلك الأفلام وقعت فوق كومة من التبن .. وأعتقد أني حطمت ذلك اليوم الرقم القياسي في الجري ولم أتوقف إلا عندما ركبت القطار .. وفي القطار كان القرار جمعاوي مش حيتجوز يا رجالة ==================== سؤال الحلقة : من هي أنسب زوجة لجمعاوي ؟ 1- دولي فري 2- نشمة الله يرحمها 3- فتحية التار ولا العار أنا عارف الإجابة لو انت عرفتها اتصل على 6666 (سعر الدقيقة 150 قرش) مع تحيات المفتش : كوم إمبو  |
 |
3 مشترك
اخونا جمعااااوى هيتجووووووز ياجدعاااااااااان
بنت حماس- ركن مهم في المنتدى ، ساهم كثيرا جدا في بنائه و رفعته
- عدد الرسائل : 2003
العمر : 32
الموقع : الفيوم
العمل/الترفيه : ياربِ أسألك أن أكون من الداعيات الصالحات المخلصات
المزاج : دائماّ وأبداّ الإســـلام هــــــو الحـــــل
نقاط : 3014
تاريخ التسجيل : 06/02/2009
- مساهمة رقم 1
اخونا جمعااااوى هيتجووووووز ياجدعاااااااااان
من طرف بنت حماس الإثنين فبراير 23, 2009 8:09 am
ابو عبيد الله- عضو مثمر
- عدد الرسائل : 119
العمر : 39
العمل/الترفيه : الشيخ الطبيب
المزاج : الحمدلله حمدا حمدا
نقاط : 71
تاريخ التسجيل : 02/10/2008
- مساهمة رقم 2
رد: اخونا جمعااااوى هيتجووووووز ياجدعاااااااااان
من طرف ابو عبيد الله الأربعاء مارس 18, 2009 7:05 pm
جزاكم الله خيرا
ولكن لى سؤال اجمعاوى هذا له صله بالجمعه ؟
وهل يجوز ان نقرن اسم الله ف الفكاهه فنقول نشمه الله يرحمها؟
ولكن لى سؤال اجمعاوى هذا له صله بالجمعه ؟
وهل يجوز ان نقرن اسم الله ف الفكاهه فنقول نشمه الله يرحمها؟
بنت حماس- ركن مهم في المنتدى ، ساهم كثيرا جدا في بنائه و رفعته
- عدد الرسائل : 2003
العمر : 32
الموقع : الفيوم
العمل/الترفيه : ياربِ أسألك أن أكون من الداعيات الصالحات المخلصات
المزاج : دائماّ وأبداّ الإســـلام هــــــو الحـــــل
نقاط : 3014
تاريخ التسجيل : 06/02/2009
- مساهمة رقم 3
رد: اخونا جمعااااوى هيتجووووووز ياجدعاااااااااان
من طرف بنت حماس الخميس مارس 19, 2009 7:23 am
بص يا اخى دى من باب الترفية
مش نقصد اننا نتريق على جمعاوى
وعلى فكرة جمعاوى دة شخص حقيقى وهو اللى بينزل المواضيع دى
والرسول بيقول(انما الاعمال بالنيات )
جزاك الله خيرا على مرورك العطر
مش نقصد اننا نتريق على جمعاوى
وعلى فكرة جمعاوى دة شخص حقيقى وهو اللى بينزل المواضيع دى
والرسول بيقول(انما الاعمال بالنيات )
جزاك الله خيرا على مرورك العطر
نسر وحكايه- ركن أساسي ساهم في رفعة المنتدى
- عدد الرسائل : 2159
العمر : 32
الموقع : رحال فى بلاد الله
العمل/الترفيه : طالب بكلية الدعوه الإسلاميه بلقاهره
المزاج : الحمد لله _ دعواتكم ليه بالتوفيق اخوتى فى الله
نقاط : 2649
تاريخ التسجيل : 23/09/2008
- مساهمة رقم 4
رد: اخونا جمعااااوى هيتجووووووز ياجدعاااااااااان
من طرف نسر وحكايه الخميس مارس 19, 2009 12:33 pm
بارك الله فيكى
ههههههههههههههههههههه
احسن حل ميتجوزش بعد الى حصلو ده
ههههههههههههههههههه
لاما دليه عليه وانا هبقو ازوجو بمعرفتى واكسب فيه صواب
هههههههههههههههههههه
ههههههههههههههههههههه
احسن حل ميتجوزش بعد الى حصلو ده
ههههههههههههههههههه
لاما دليه عليه وانا هبقو ازوجو بمعرفتى واكسب فيه صواب
هههههههههههههههههههه
بنت حماس- ركن مهم في المنتدى ، ساهم كثيرا جدا في بنائه و رفعته
- عدد الرسائل : 2003
العمر : 32
الموقع : الفيوم
العمل/الترفيه : ياربِ أسألك أن أكون من الداعيات الصالحات المخلصات
المزاج : دائماّ وأبداّ الإســـلام هــــــو الحـــــل
نقاط : 3014
تاريخ التسجيل : 06/02/2009
- مساهمة رقم 5
رد: اخونا جمعااااوى هيتجووووووز ياجدعاااااااااان
من طرف بنت حماس السبت مارس 21, 2009 7:30 am
ههههههههههههههههههههههههههه
خلاص ماشى يعنى انت عندك عروسة لاخونا جمعاوى ولا هتطلع زى نشمة
هههههههههههههههههههههههههه
جزاك الله خيرا اخى الكريم اسعدنى مرورك العطر
خلاص ماشى يعنى انت عندك عروسة لاخونا جمعاوى ولا هتطلع زى نشمة
هههههههههههههههههههههههههه
جزاك الله خيرا اخى الكريم اسعدنى مرورك العطر
نسر وحكايه- ركن أساسي ساهم في رفعة المنتدى
- عدد الرسائل : 2159
العمر : 32
الموقع : رحال فى بلاد الله
العمل/الترفيه : طالب بكلية الدعوه الإسلاميه بلقاهره
المزاج : الحمد لله _ دعواتكم ليه بالتوفيق اخوتى فى الله
نقاط : 2649
تاريخ التسجيل : 23/09/2008
- مساهمة رقم 6
رد: اخونا جمعااااوى هيتجووووووز ياجدعاااااااااان
من طرف نسر وحكايه السبت مارس 21, 2009 12:07 pm
ههههههههههههههههههههههههه
لاء مش هتتطلع زى نشمه
هههههههههههههههههه
لاء مش هتتطلع زى نشمه
هههههههههههههههههه