الزواج على الطريقه الحديثه

شخصين مخطوبين قاما بقراءة مايقرأ فى كتب الكتاب بينهم والله شاهد على ذلك فهل يعتبروا الآن فى حكم المتزوجين ؟

الرد :




بالله عليكم كيف يكون زواج بدون ولي ؟
كيف يكون بدون شهود ؟
يحصل هذا الزواج فى المجتمع المصري بين طبقات الاسر الغنيه (الهاي لايف) واهه كله زواج
وللاسف يغيب عنهم الوازع الديني وتتحكم الشهوه فى عقول الشباب .

اتمنى الرد على الموضوع



منقووووووووووول

بص يا محمد انا معلوماتى ان اذن الولى واجب فى حين الدخول بالبنت
يعنى مينفعش يدخل بيها الا بعد اذن وليها
اللى بيحصل بين الشباب انهم بيقولوا كده اه
ومش بيتم الدخول بالبنت
بس هما بيقولوا كده كوسيله لتحليل القبل بينهم
فى الحاله دى بيكون القبل بينهم مش حرام لانه زواج ناقص
وحتى لو دخل بالبنت ده زواج ناقص
ولا يعد زنا ابدا
حتى لو كان الزواج ناقص شرط من شروط النفاذ
لا يعد زنا ابدا
لكن ده مش بينفى انه لا يجوز استخدامه بين الشباب
لكن لو تم بالفعل خلاص ولم يتم الدخول بينهم فاعتقد ان ده مش حرام ما يقع بنهم من قبلات
ولو تم الدخول بالفعل فده زواج ناقص ممكن كمان ينتج عن النقصان ابطال العقد لعدم استاذان الولى
لكن لا يعد زنا ابدا
والله اعلم

يا استاذه مفيش حاجه اسمها زواج ناقص
اسمه زواج فاسد وفساده بسبب ان ركن من اركان الزواج غير موجوده
اما تحليل القبل فهى حرام شرعا حتى بين الخطيب وخطيبته
لأنها لسه مش على ذمته
يعني اللى بينهم مجرد دبله
واركان الزواج هى الولى وشاهدي عدل وده بالنسبه للبنت البكر
اما الثيب فيحق لها تزويج نفسها بنفسها
واختلف الائمه الاربعه فى موضوع الثيب
واركان الزواج ليكون زواج صحيحا زي اركان الصلاه
يعني لازم يكون الماء طهور ولازم نتجه للقبله ولازم الوضوء الصحيح وهكذا
يعني هل ينفع اصلي وانا مش متوضىء ؟هل يصح الزواج بدون ولى ولا شاهدي عدل ولا اشهار
وفيه حديث عن الرسول صلى الله عليه وسلم فيما معناه اشهروا الزواج ولو بالدف
يعني مش فى الدرا علشان يحلل القبلات
والله اعلم

بارك الله فيك اخى محمد
وانا اوافقك الراى لابد من وجود الولى والشهود والاشهار
وان كان موضوع الزواج العرفى فهذا ليس زواج
لانه لايوجد ولى ولا اشهار
والله اعلى واعلم
وجزاك الله خيرا
:999:

يا اخ محمد انت ادرى منى ورائيك اكيد اصح
وانا هراجع تانى الموضوع ده وهرد عليك
بس انا حسه انك بترد عليا بنرفزه
استخدامك لفظ استاذه كان كانك بتزعقلى
براحه عليا وفى الاخر كلنا بنتعلم فاعذرنى لو غلط
وشكرا

برقوقه دايما عامله مشاكل
بصى يابرقوقه
اللى انتى بتقولى عليه ده بالظبط زى الزواج العرفى بالطبع مؤخرا قام المشرع المصرى وقنن هزا الزواج وجعله قانونيا
ولكن هو ليس زواجا من الناحيه الشرعيه على الاطلاق يعنى قبله دخول فهو زنا

اه عامله مشاكل
طب اسمعنى بقه
السوال بيقول انهم لو قاموا بتلاوله ما يتلى لكتب الكتاب
بالعربى ومن الاخر الصيغه فهل ده يعتبر زواج او لا
كلامكوا انه مش زواج
فى حين انهم لو كتبوا الكتاب عقد يعنى
من غير ولى
هيعتبر زواج ومش زنا
والا مكنش اى اتنين يروجوا للمحامى يكتبلهم
وده بيعد زواج مش زنا
انتوا بتحكموا على الموضوع من وجهه نظر تانيه
من كونه مش موثق او مثبت
كل انواع الزواج اللى طالعه الايام دى
مفيهاش اى مشاكل الا لما بنكون عاوزين نثبتها
سواء لاثبات نسب
او لميراث
يعنى المشكله فى ثبوت الجواز
مش فى كونه زواج ولا زنا
لو فعلا ده زنا يبقى من ايه الفرق بين انهم يكتبوا العقد من غير ولى
وانهم يقروا الصيغه من غير كتابه على ورق
الاتنين واحد الفرق بس فى امكانيه ثبوت الزواج
ولا ايه يا كبير؟

اى زواج بدون ولى وبدون اشهار زواج باطل

لعدم اكتمال اركانو

ام بلنسبه لقول الاخت برقوقه فى قرأة مايقرء

وانهم بيقلوه من اجل القبلات فلازم تعرف ان القبلات اول مقدمات الجماع

وان حدث جماع فهذا زنا

ومن قال اصلا ان بقرأتهم مايقرء ده حللو تناول القبلات

طبعا تناول القبلات ده مش حلال لانهم فى فترة خطوبه المفروض ومن الممكن العدول عن هذه

الخطبه فى اى وقت

وبعدين انا بادرس الزواج هذا العام

واول مره اسمع كلمة زواج ناقص

لا يوجد شىء اسمه زواج ناقص

وعلى العموم ليه رجعه باذن الله

برقوقه كتب:بص يا محمد انا معلوماتى ان اذن الولى واجب فى حين الدخول بالبنت
يعنى مينفعش يدخل بيها الا بعد اذن وليها
اللى بيحصل بين الشباب انهم بيقولوا كده اه
ومش بيتم الدخول بالبنت
بس هما بيقولوا كده كوسيله لتحليل القبل بينهم
فى الحاله دى بيكون القبل بينهم مش حرام لانه زواج ناقص
وحتى لو دخل بالبنت ده زواج ناقص
ولا يعد زنا ابدا
حتى لو كان الزواج ناقص شرط من شروط النفاذ
لا يعد زنا ابدا
لكن ده مش بينفى انه لا يجوز استخدامه بين الشباب
لكن لو تم بالفعل خلاص ولم يتم الدخول بينهم فاعتقد ان ده مش حرام ما يقع بنهم من قبلات
ولو تم الدخول بالفعل فده زواج ناقص ممكن كمان ينتج عن النقصان ابطال العقد لعدم استاذان الولى
لكن لا يعد زنا ابدا
والله اعلم

اولا هذا زواج باطل

طب ايه هوه الزواج الباطل
الزواج الباطل عرفه الفقهاء
بانه الزواج الذى لم يشرع العقد فيه لا بأصله ولا بوصفه

أو هو الزواج الذى العقد فيه فقد ركنا من اركانه أو شرطا من شروطه التى لا يصح الزواج بدونها.

وقال بعض العلماء لايترتب على هذا الزواج الباطل شىء من اثار الزواج الصحيح فلا يحل به الدخول بلمرأه ولا يجب به مهر ولا نفقه ولا يثبت به توارث وتجنب الحيلوله من الرجل والمراه وعدم تمكينها من الدخول

ويرى جمهور الفقهاء
أنه اذا كان كل من الرجل والمرأه عاقلا عالما بالتحريم وجب اقامة حد الزنا عليهما لان هذا العقد باطل لا وجود له فى شريعة الاسلام فلا يصح ان يكون فيه شبه تدرأ الحد عليهما .


.

معلش يخونا وجدة غلطه ممكن تغير حكم بدون قصد
ولاكن لاحظتها عندما رجعت مره اخرا

وهى انى كتبت تجنب الحيلوله

ولاكن هى تجب الحيلوله وطبعا الفرق باين بين الاتنين لان الحرف ده يترتب عليه تغيير حكم

(النص ) الذى وردت به الغلطه مصححا)
وقال بعض العلماء لايترتب على هذا الزواج الباطل شىء من اثار الزواج الصحيح فلا يحل به الدخول بلمرأه ولا يجب به مهر ولا نفقه ولا يثبت به توارث وتجب الحيلوله بين الرجل والمرأه وعدم تمكينهما من الدخول.

تجب الحيلوله بين الرجل والمرأه.