ثمار الأوراق

ثمار الأوراق

منتدى تعليمي يهتم باللغة العربية علومها وآدابها.


    طريقة عمل تحف البورسلين

    شاطر
    avatar
    أحمد
    إدارة ثمار الأوراق
    إدارة ثمار الأوراق

    عدد الرسائل : 16861
    الموقع : القاهرة
    نقاط : 39032
    تاريخ التسجيل : 17/09/2008

    طريقة عمل تحف البورسلين

    مُساهمة من طرف أحمد في الخميس سبتمبر 19, 2013 8:27 am

    اولا الخامات بتتجاب من جنب مديرية امن القاهرة من جنب المديرية وانت جاى من محمد نجيب تانى شارع يمين اول واحد على اليمين دة احسن راجل عندة مادة مصلبة محترمة اوووى


    الخامات كالاتى بالاسعار :
    1. بوليستر سائل 15ج
    2.سيبداج 1ك 1ج
    3.مصلب 3.5ج
    4.الوان رخام 3ج الزجاجة
    5.سيليكون 8 ج الكاملة مش النص
    6.لوح خشب mdf هو كرتون مضغوط من عند اى حد بتاع حشب تمن اللوح 21 ج
    7.سنفرة ناعمة مش اوى ولا خشنة خفيف

    الحاجات اللى هتستخدمها على طول
    1. مسدس سيلكون 7.5 ج
    2. مسدس شمع 10ج
    3.بالتة الوان 5ج
    4. فرش للتلوين وهات فرشاء للتنضيف كبيرة اوى 0.0 على حسب مختلفة بس لا تتعدى 2 جنية

    نخش فى الجد
    هتقولى دانا كدة محتاج فلوس كتير احسبها هتلاقى لما تعمل 100 تمثال مكسب 10 اضعاف


    اولا
    اقيس التمثال بتاعى واقطع الخشب على اساس لو التمثال 25*25
    اقطع على اساس 30*30 من كل جانب 5 سم زيادة
    والزق الظهر بتاع التمثال على الخشب بشرط الشمع يكون قليل بس قوى عشان ميعملش فرق فى التمثال

    ثانيا
    اجيب بريل من الاكياس واضيف على الفرشة وامسح ادق ادق التفاصيل فى التمثال اى حتة بحيث التمتال كلة يكون علية بريل بس متخليش حاجة من البريل ابة عشان هيعمل رتوش ويقرف فى السنفرة هتقولى لية بريل دا عازل عشان السيلكون يطلع بسهولة بدون ميتقطع
    اسيبة ساعة يعنى 60 دقيقة متستعجلش لان كل ما القالب خد راحتة هيعملك على الاقل 1000 قطعة

    ثالثا
    بعد الساعة احط السيلكون مش بكترتة بس افرش التمثال واضغط على التقاصيل عشان السيلكون يطبع وبعد اول طبقة اسيبة 6 ساعات 360 دقيقة

    رابعا
    بعد الست ساعات احط تانى طبقة سيلكون دى طبقة بسميها العيوب لانى دى بتدارى عيوب الطبقة الاولى لو فى حتة ملقتتش كويس او فيها اخرام مش باينة اوى واسيبة 6 ساعات

    خامسا
    اضيف طبقة سيلكون ثالثة والاخيرة هما 8 طبقات بس ثلاثة كفاية للقالب يشتغل اهم شىء انى ميتعرضش للشمس
    ويعد الطبقة الثالثة اجيب زيت اكل واملس على السيلكون بحيث انة يتساوى واسيبة 6 ساعات

    سادسا
    بعد الست ساعات احاوط التمثال من الجوانب بالخشب والزقة بحيث انة يكون زى الصندوق واعمل الجبس ويكون لين واصبة فوق التمثال واسيبة ينشف

    سابعا
    الف مبروك انت كدة عملت اول قالب ليك هتقلب الجبس بحيث انة يكون تحت واشيل الخشب بالتمثال براحة جدا واسلك السيلكون براحة اوى هيكون عندة طبقة سيلكون تحتيها طبقة الجبس طب لية طبقة جبس عشان التمثال يطلع زى ما هو مش معوج


    طريقة عمل التمثال دلوقتى :

    اقدر نسبة البوليستر السائل احطة واحط علية سيبداج بنسبة 2:1 يعنى كل معلقة بوليستر ب معلقتين سيبداج
    واقلب جامد اوى اوى بحيث انة ميكونش فية هوا ويعمل فقاقيع فى الظهر
    وبعدين احط مصلب واقلب اوووووى وبعدين اصب شوية صغيرين واضغط اوى على التفاصيل عشان تظهر وبعدين اصب
    واستنى على التمثال عشان ينشف 10 دقايق او 15 دقيقة اصبر مش كل شوية تشوفة عشان يطلع تمام اول لما هيطلع هتلاقية سخن شيلة براحة حتة فى السبيداج عشان يقفل المسام

    فاضل التلوين وانت وشطارتك فى التلوين بقى :)


    _________________


    قناتي على موقع يوتيوب :
    https://www.youtube.com/channel/UCm8N-tHwIFM7hPnwtLrBMpg
    مدونتي:
    https://arabicfraed.blogspot.com.eg/
    avatar
    أحمد
    إدارة ثمار الأوراق
    إدارة ثمار الأوراق

    عدد الرسائل : 16861
    الموقع : القاهرة
    نقاط : 39032
    تاريخ التسجيل : 17/09/2008

    رد: طريقة عمل تحف البورسلين

    مُساهمة من طرف أحمد في الخميس سبتمبر 19, 2013 8:55 am

    أولا : الاسطمبه وطريقة عملها وأنوعها :-
    ويمكن تعريف الاسطمبه بانها وعاد خاص من خامات خاصة محفور عليه الشكل المراد عمل نسخ منعددة منه ولكن تختلف أنواع الاسطمبات من حيث الشكل والخامان المصنوع منهاالاسطمبه والخامات التى نقوم بصبها داخل الاسطمبة والاسطمبه المشروحة هنا هى الاسطمبة الخاصة بأعمال البوليستر ( البورسلين ) غير الحرارى أى الذى يجف عن طرق الهواء ولا يحتاج الى التعرض لدرجات حرارة عالية مثل الافرات .

    وتختلف أنواع الاسطمبات من حيث الشكل المراد صبه داخلها مثل ( المسطحات والمجسمات ) والاتى شرح مفصل لعمل أسطمبة المسطحات والخامات المستخدمة لعملها .
    اولا/ المسطحات :
    ____----------------_____
    ويمكن تمثلها مثلا فى شكل برواز أو منظر طبيعى يعلق على الحائط ويكون المنظر الخاص بة مجسم بابعاد أو يوضع على طربيز .
    الخامات المستخدمة لعمل الاسطمبة المسطحة :-
    ___________________________________
    وهذة الخامات لا تتغير سواء فىالاسطمبة المسطحة أو غيرها من الاسطمبات الخاصة بالبورسلين .


    1- أنبوبة سليكون ( ابيض حليب ) والمقصود هنا بالابيض الحليب هو لون السيلكون وليس الماركة لان فيه ألوان كتيرة من السلكون لكن أحسن الالوان الى ممكن تفيدنا فى الاسطمبه هى الابيض الحليب \او الاسود

    2- خشبة mdf ) ولازم تكون أكبر من الشكل المسطح بحوالى 4 سم من كل أتجاه بمعنى أنى لو حكوم بعمل برواز للصور مثلا زى أى برواز ممكن يكون عندنا من الى المحفور عليهم الدباديب أو العرائس البارزة فاحنسيب من كل جمب من خارج البرواز 4سم وده علشان نعمل حواف الشكل من الخارج

    3- مسدس شمع وحنستخدمه فى تثبيت البرواز أو المسطح على الخشبة ولو ما فيش مسدس ممكن نستعين بشمعة اللزتى الخاصة بالمسدس ونسهرها على النار ةنلصق بيها الشكل

    4- عزل وده ما هو الا بريل صابون سايل ) من غير تخفيف لكن له أهمية عالية جدا وده لاننا بنعزل بية الشكل قبل وضع السيلكون عشان وحنا بنقوم بخلع الاسطمبة من على الشكل تتخلع بسهولة وما يتلفش فيها أى جزء وفى نفس الوقت نحمى الشكل نفسه من التلف وعدم التصاق السليكون به

    5- القطعة المراد عمل الاسطمبه لها وزى ماقولة ممكن يكون برواز عندنا ياعنى موجود بالفعل لكن لو الشكل من أبتكارك فاده ليه طرق تانية وخطوات تانية من أهمها أنك على الافل تكون عندك فكرة عن فن النحت وده سيبك من دلوقتى لانه لوحده عاوز شهور علشان تتعلمه بس من غير تنفيذ عملى .
    6- فرشة مقاس 8 ولازم تكون ناعمة وحنستخدمها ثلاثة مرات فقط المرة الاولى فى عزل الشكل ٌقبل وضع السيلكون والمرة التانية هى فاخر خطوة أو طبقة للسيلكون والمرة التالتة هى عزل الجوانب الخشبية للقالة الجبسى. لكن باقى العمل وحتى تغطية الشكل باطبقات السيلكون حتكون بالايد وطبعا من غير جوانتى ( بلاش شغل الايدى الناعمة

    7- مسدس السيلكون وده مش مهم وجوده الا فى حالة عمل كميات كبيرة للاسطمة لانه بيسهل عملية خروج السلكون من الامبوبة الخاصة بيه . لكن ممكن نخرج السلكون منغير المسدس عن طرق الضغط على الامبوبه من الخلف بأى عصا خشبية


    8 - الجبس الى حنستخدمة لعمل قالب الحماية وده بيعنبر أخر حاجة فى الاسطمة خالص ولكن اخطوة ده بنعملها قبل مانزع الاسطمبة أو السيلكون من على الشكل

    9- هى نزع الاسطمبة وصب البورسلين جواها وطريقة خلع الصبة أو الشكل المصبوب من االاسطمبه .
    10- هى الخطوة النهائية فى العمل الفنى كله وهى التلوين


    _________________


    قناتي على موقع يوتيوب :
    https://www.youtube.com/channel/UCm8N-tHwIFM7hPnwtLrBMpg
    مدونتي:
    https://arabicfraed.blogspot.com.eg/

      الوقت/التاريخ الآن هو الأحد نوفمبر 19, 2017 10:46 pm