ثمار الأوراق

ثمار الأوراق

منتدى تعليمي يهتم باللغة العربية علومها وآدابها.


    الميكروبااااااااااااااااااز

    شاطر
    avatar
    أحمد
    إدارة ثمار الأوراق
    إدارة ثمار الأوراق

    عدد الرسائل : 16841
    الموقع : القاهرة
    نقاط : 38992
    تاريخ التسجيل : 17/09/2008

    الميكروبااااااااااااااااااز

    مُساهمة من طرف أحمد في الإثنين يوليو 19, 2010 11:02 am

    أولا :-

    طبعا وانتا بتوقف الميكروباص وياسلام لو مافيش مكان

    لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

    انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

    ثاني حاجة :-

    طبعا وانتا طالع كتير مننا ممكن يخبط راسه في الباب

    طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
    تلاقي اللي ممكن يقوم يضرب السواق

    انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

    تالت حاجة :-

    وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك


    طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

    وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب الله يرحمك يا رجولة والتعليقات اللى ما بنخلصش منها دى


    .... ولو قفلت الباب بالجامد بقا

    لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

    انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

    رابع حاجة :-

    طبعا ممكن يجيلك تليفون وانتا قاعد في الميكروباص

    لو انتي بنت وانتي بتقولي الو ياسلااااام الله يا جماعه على صوتها شوفو
    الرقة يابخته المحظوظ اللي بيكلمك ولو معاها موبايل معفن ياسلام ع التواضع

    انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام
    صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
    بموبايل معفن امال لو كان موبايل عدل شوية كنت عملت ايه

    نمرة خمسة :-

    لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


    طبعا لو انتي بنت القانون بيديكي الحق الكامل انك تقوليله وطي الكاسيت او اطفيه خالص (قانون الهانم طبعا )

    انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
    تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

    سادس حاجة :-

    طبعا بقا انتا وصلت الحمد لله بعد القهر والتفرقه العنصرية اللي اتعرضت ليها طول
    الطريق عايز تنزل بتقول للسواق على جنب وطبعا لايمكن هايسمعك ماهو مشغل
    الاغاني ومعلي الصوت على اخره

    طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
    بشارعين تلاته وطبعا هايقولك ماسمعتكش مانتا اللي صوتك واطي زي البنات


    انما بقا البنت يادوب كل اللي هاتعمله انها توشوش نفسها على جنب وكأنها
    بتكلم نفسها هاتلاقي بقيت الاربعتاشر نفر اللي قاعدين في الميكروباص
    بصوت واحد بيقولو للسواق على جنب يا عم ..... انتا اطرش ؟؟؟


    طبعا الموضوع منقول


    _________________


    قناتي على موقع يوتيوب :
    https://www.youtube.com/channel/UCm8N-tHwIFM7hPnwtLrBMpg
    مدونتي:
    https://arabicfraed.blogspot.com.eg/

      الوقت/التاريخ الآن هو الأحد سبتمبر 24, 2017 11:26 am